سياسة الخصوصية

آخر تحديث: أكتوبر 2026

خصوصيتك وخصوصية بيانات شغلك مهمة لينا. السياسة دي بتوضّح إيه البيانات اللي بنجمعها في برنامجي (brnamgy.com)، وبنستخدمها في إيه، وإزاي بنحميها.

البيانات اللي بنجمعها

بيانات الحساب: اسم الشركة، اسم صاحب النشاط، الموبايل، الإيميل، واسم الدخول. الباسورد بيتخزن متشفّر بطريقة محدش يقدر يقراها. وقت التسجيل بس، باسورد أول أدمن بيتحفظ متشفّر لحد ما حسابك يتجهز، وبعدها بيتمسح على طول.
بيانات شغلك: اللي بتدخله انت وفريقك في الأنظمة، زي العملاء والفواتير والمخزن والموظفين.
بيانات الاستخدام: عنوان الـ IP، ونوع الجهاز والمتصفح، والبلد. البلد بنستخدمها عشان نحدد عملة الفاتورة.
بيانات الدفع: نوع الكارت وآخر 4 أرقام بس، لو اخترت تحفظ كارت. رقم الكارت كامل مابيوصلناش.

نشغّل الأنظمة ونجهّز حسابك.
نطلّع الفواتير ونأكد الدفع.
نبعتلك إيميلات مهمة: تأكيد الإيميل، الفواتير، التذكير بالمواعيد، وتنبيهات الأمان.
ندعمك لما تكلّمنا، ونحمي حسابك من أي استخدام غلط.
نحسّن الخدمة. مابنبيعش بياناتك لأي حد، ومابنستخدمش بيانات شغلك في أي إعلانات.

الدفع أونلاين بيتم عن طريق Ibraan Pay وشريك الدفع فواتيرك. بيانات الكارت بتتكتب في صفحة الدفع الآمنة بتاعتهم، ومابتعديش على سيرفراتنا.

بياناتك متخزنة على سيرفرات Amazon Web Services (AWS).
الاتصال كله مشفّر (HTTPS).
بيانات كل شركة منفصلة تمامًا عن بيانات الشركات التانية على مستوى قاعدة البيانات.
عندك تحقق بخطوتين، وصلاحيات مفصّلة لكل موظف، وسجل بكل تعديل.

بنشارك البيانات بس مع مقدمي الخدمة اللي محتاجينهم عشان نشغّل المنصة، وبالقدر اللازم بس:

ومش هنشاركها مع أي حد تاني، إلا لو القانون طلب ده.

بنستخدم كوكيز ضرورية لتسجيل الدخول وحفظ اللغة.
على الموقع العام بس، ممكن نستخدم أدوات زي Google Analytics وMeta Pixel عشان نقيس الزيارات وأداء إعلاناتنا (زي عدد اللي سجّلوا أو تواصلوا معانا). مابنبعتلهمش بيانات شغلك، والأدوات دي مش بتشتغل جوه الأنظمة.

بنحتفظ ببياناتك طول ما حسابك موجود.
لو طلبت مسح الحساب، بنمسح بيانات شغلك خلال فترة معقولة، ما عدا اللي القانون بيلزمنا نحتفظ بيه زي سجلات الفواتير.

تقدر في أي وقت:

كلّمنا من صفحة «تواصل معانا» وهنرد عليك.

ممكن نحدّث السياسة دي، وأي تغيير مهم بنبلّغك بيه قبل ما يتطبق.

لأي سؤال عن خصوصيتك، كلّمنا من صفحة «تواصل معانا».